UyghurEdit++

Text Editor with Spell Check Ability for Uyghur

UyghurEdit++

Mexsus Uyghurche tehrirlesh üchün tüzülgen, Imla tekshürüsh(Imlasi xata sözlerning astigha qizil siziq bilen dawamliq körsitip bérish), Yéziqlarni almashturush, OCR(Resimdiki tékistlerni tonush) iqtidari bolghan, heqsiz tehrirligüch.

Esli kodini chüshürüp özingiz yughurup(compile) qilip ishletsingiz bolidu. Eger teyyarsini ishletmekchi bolsingiz pestiki ulanmidin eng yéngisini chüshürüp ishliting. Zip ni yéyipla ichidiki UyghurEditPP.exe ni ijra qilsingiz bolidu.

Diqqet

Eger OCR da xataliq körülse, Visual Studio 2019 Runtime ni ornitip sinap béqing. chünki Tesseract OCR bu ambargha béqinidiken.

0.82 neshri(2023/09/05)

• Tesseeract ning Uyghurche modéli qayta ögitildi we tonush toghriliqi köp yaxshilandi.
• Tehrirlewatqan höjjetni Word formatida(.docx) saqlash iqtidari qoshuldi.(Qorallar tizimlikige qarang)
• Wordta yézilghan Uyghurche höjjetlerni(.docx formatidiki) eslidiki bet qurulmisini saqlap qalghan asasta bashqa yéziq(Uyghurche, Latinche we Silawiyanche)qa aylandurup bérish iqtidari qoshuldi.(Qorallar tizimlikige qarang)

Chüshürüsh: 64 bitliq Windows üchün

0.8 neshri(2023/06/29)

Bu qétimqi neshride asasliq imla ambirila özgerdi. UyghurEdit++ ta köp özgirish bolmidi. Burunqi imla ambirini bir tomluq «Uyghur Tilining Izahliq Lughiti» diki tüp sözlüklerni asas qilip, bu tüp sözlerni türlesh ariliq yasighan idim. Bu qétimqisi bolsa, «Hazirqi Zaman Uyghur Edebiy Tilining Imla Lughiti (Imla we Teleppuz Qa’idisi) , 2009-yili 9-ay birinchi neshri» diki tüp sözlerni türlesh arqiliq yasidim. Esli bu lughetning tékist höjjitini burun tapalighan bolsam burunla imla ambirini yasighan bolattim. Tapalmighandin kéyin, mezkur lughetni Uyghurche OCR arqiliq tonutup, andin sözlerni birmubir tekshürüp tüzitish arqiliq tüp sözlerni yasiwaldim. buninggha bek köp zéhin we emgek ketti. chünki bir her bir sözning 100% toghra bolushi telep qilinatti. Andin bu sözlerni türlesh arqiliq imla ambirini yasidim. Yasalghan imla ambiri bek chong bolghachqa, tekrarliqi 10 din köp bolghan sözlernila tallap UyghurEdit++ ta ishlettim. Imla ambiridiki sözlerning sani 441 ming etrapida. Bu sözlüklerni xalighanche ishletsenglar bolidu. Ishletkende «UyghurEdit++ ning Imla Ambiri Paydilinildi» dégen ibarini qoshup qoysanglarla kupaye. Emgekning tekrarlanmasliqini közde tutup, «Hazirqi Zaman Uyghur Edebiy Tilining Imla Lughiti (Imla we Teleppuz Qa’idisi) , 2009-yili 9-ay birinchi neshri» ning tékist höjjetlirining hemmisini github qa chiqirip qoydum. xalighanche paydilansanglar bolidu. 2009-yildiki imlada qandaq özgirishler boldi? bu yerde bu heqte köp toxtalmaymen. köp ishlitilidighan bir qanche sözlernila misal qilip ötey:

sözlerde xataliqlarni bayqisanglar, melum qilsanglar xush bolimen.

Chüshürüsh: 64 bitliq Windows üchün

0.7 neshri(2022/06/23)

• Uyghurche OCR ning tonush iqtidari yaxshilandi.

Chüshürüsh: 64 bitliq Windows üchün

0.6 neshri(2021/08/04)

• Chapla ni ishletkende, eger Chaplash Taxtisi(ClipBoard) da resim bolsa, aptomatik halda OCR ni qozghitilidighan qilindi.
• Yene OCR köznikidimu Ctrl+V arqiliq Chaplash Taxtisi(ClipBoard) diki resimni chaplashqa bolidighan qilindi.

Chüshürüsh: 64 bitliq Windows üchün, 32 bitliq Windows üchün

0.5 neshri(2021/07/15)

• Izdesh we almashturushtiki bezi xataliqlar tüzitildi.
• OCR gha Türkche qoshuldi. Buning bilen Türkche yaki Türkche bilen Uyghurche arilash kelgen resimlik höjjetlerni tékistke aylandurushqa bolidu.

Chüshürüsh: 64 bitliq Windows üchün, 32 bitliq Windows üchün

0.4 neshri(2021/03/21)

• Bir qisim xataliqlar tüzitildi. bolupmu, birer soz kirgüzüpla chashqinekning ong teripini bassa, axirliship kétidighan xataliq tüzitildi.

• Latinche kirgüzüsh iqtidari qoshuldi(<Ctrl>+<K> bassa, kunupka almishidu). Latinche kirgüzüsh halitide ö, ü, é lerni töwendiki usul arqiliq kirgüzgili bolidu.

  • <Shift> + <o> -> ö
  • <Shift> + <u> -> ü
  • <Shift> + <e> -> é

  o,u,e,ö,ü,é larning chong yézilishini kirgüzüsh nur belgisining aldidiki herpni chong yézilishqa özgertidighan tézletme kunupka Ctl+U ni ishletsingiz bolidu.

Chüshürüsh: 64 bitliq Windows üchün, 32 bitliq Windows üchün

0.3 neshri(2021/03/17)

• OCR da Uyghurche, In’glizche, Xenzuche yéziqlarni tonush iqtidari qoshuldi. buning bilen arilash yéziqlarni tonush emelge ashuruldi.
• Bir qisim xataliqlar tüzitildi.
• Bir qisim körsetme uchurlar tüzitildi.

Chüshürüsh: 64 bitliq Windows üchün, 32 bitliq Windows üchün

0.2 neshri(2021/03/05)

• UyghurEdit++ ning tughi özgertildi.(layihilep bergen qérindishimizgha köp rehmet).
• Izdesh we Almashturush iqtidari yaxshilandi.
• Tehrirlewatqan höjjettin HTML yasash iqtidari qoshuldi.

Chüshürüsh: 64 bitliq Windows üchün , 32 bitliq Windows üchün

Ishlitish qollanmisi

Ékran körünüshliri:

Ishlitilgen ochuq kodlar

Avalonedit: https://github.com/icsharpcode/AvalonEdit

DynaJson: https://github.com/fujieda/DynaJson

Tesseract .Net: https://github.com/charlesw/tesseract

SymSpell: https://github.com/wolfgarbe/SymSpell (Hazirche bu ishlitilmidi. emma esli kodi saqlap qélindi)